এটা শব্দত প্ৰকাশ কৰা ( বাক্- সংহতি) One Word Substitution in Assamese.

 

    VIDYA UNNATI ACADEMY

এটা শব্দত প্ৰকাশ কৰা ( বাক্- স‌ংহতি) One Word Substitutes in Assamese.

বাক্- স‌ংহতি কাকবোলে?

বাক্- স‌ংহতি:-- কোনো এটা বাক্য বা বাক্যৰ একোটা খণ্ড সংক্ষেপে কৰি একোটা শব্দতে প্ৰকাশ কৰিব পৰা যায় । ইয়াকে বাক্ - সংহতি বা এটা শব্দত প্ৰকাশ কৰা  বোলা হয় । তলত তাৰ কিছুমান উদাহৰণ দিয়া হ’লঃ—

1) ভাল দেখিব নোৱৰা– পৰশ্ৰীকাতৰ , চকু - চৰহা ।

2) যি আনৰ অধীন নহয় — স্বাধীন ।

3) যি আনৰ অধীন — পৰাধীন।

4) যি আনৰ বস্তু বলেৰে কাঢ়ি নিয়ে — ডকাইত ।

5) যি লোকে বিশ্বাস ৰাখিব নোৱাৰে— অবিশ্বাসী।

6) যি মাটিৰ উৎপাদিকা শক্তি নাই— অনুৰ্বৰা।

7) যি মাটিত সাৰ নাই— অসাৰুৱা ।

8) ঘাঁহেৰে ভৰা যি ঠাই — ঘাঁহনি।

9) যি কথাৰ অৰ্থ নাই— নিৰৰ্থক , অর্থহীন , অর্থশূন্য ।

10) খাবলৈ অনা কল - পুলি — পচলা ।

11) কলেৰে ভৰা যি ঠাই— কলনি।

12) কাণেৰে নুশুনা যি মানুহ — কলা ।

13) যি তিৰোতাই কাপোৰ ব’ব জানে— শিপিনী ।

14) গৰু বন্ধা ঠাই— গোহালি ।

15) ম’হ বন্ধা ঠাই — খুঁটি ।

16) যি মাগি খায় — মগনিয়াৰ ।

17) যি খুজি খায়— খোজনিয়াৰ ৷

18) যি দীর্ঘকাল জীয়াই থাকে — দীর্ঘজীৱী ।

19) গোটেই জীৱন জুৰি — আজীৱন ।

20) যি নিজৰ ওপৰত নিৰ্ভৰ কৰি চলে — আত্মনিৰ্ভৰশীল , স্বাৱলম্বী ।

21) যি পৰৰ ওপৰত নিৰ্ভৰ কৰি চলে— পৰনিৰ্ভৰশীল ।

22) যি বস্তু দিব পৰা নাযায়— অদেয় ।

23) যি কথা জনা নাযায়— অজ্ঞাত , অজানিত ।

24) যাক সহজতে লাভ কৰা যায়— সুলভ , অনায়াসলভ্য , সহজলভ্য ।

25) যাক সহজতে লাভ কৰিব নোৱাৰি— দুর্লভ । 

26) নোহোৱা বস্তু উদ্ভাৱন কৰোতা— আৱিষ্কাৰক , আৱিষ্কর্তা ।

27) যি আনৰ মুখলৈ বাট চাই থাকে— পৰমুখাপেক্ষী ।

28) যাৰ বল আছে — বলী ।

29) যি পথৰপৰা বিচলিত হৈছে — পথভ্রষ্ট ।

30) যি দেশৰ হকে মৃত্যুবৰণ কৰে— শ্বহীদ ।

31) যি মানুহৰ নিজাপী ঘৰ - বাৰী নাই বা একে ঠাইতে থিতাপি হৈ নথকা এজাতি মানুহ  — অঘৰী ।

32) যি জন্তু ঘৰত পোহা হয়— পোহনীয়া ।

33) যি অতিশয় দীঘল নহয় – নাতিদীর্ঘ ।

34) যি জুইত পুৰি নাযায়— অদাহ্য ।

35) যি আগেয়ে শুনা নাই — অশ্রুতপূর্ব ।

36) যি ঘটনা আগেয়ে ঘটা নাই— অভূতপূর্ব ।

37) যি চিঠি বিলায়— পিয়ন ।

38) যি জনে বিয়া কৰোৱা নাই– অবিবাহিত , আবিয়ৈ । 

39) যি মানুহে দেশক ভাল পায়—

দেশপ্রেমিক ।

40) যাৰ ধন আছে — ধনী ।

41) যি মানুহ দেশৰ ভক্ত — দেশভক্ত ।

42) যাৰ বল নাই— নির্বলী , দুর্বল ।

43) যি জন কৰ্মত বীৰৰ তুল্য— কর্মবীৰ ।

44) যাৰ মান আছে— মানী ।

45) যি জন সাহিত্যত সম্রাটৰ তুল্য — সাহিত্য - সম্রাট ।

46) যি দুয়োটা চকুৰে দেখা নাপায় - অন্ধ ।

47) ঘৰত থকা জন্তু— ঘৰচীয়া ।

48) যি এটা চকৰে নেদেখে — কণা ।

49) যাৰ পিতৃ- মাতৃ দুয়ো মৰিছে — ঘাট মাউৰা ।

50) বাটেৰে যোৱা মানুহ — বাটৰুৱা ।

 

এতিয়া ই পঢ়া:- দশম শ্ৰেণীৰ  বিজ্ঞান কিতাপৰ অধ্যায়  ৬ :- জীৱন প্ৰক্ৰিয়া

উক্ত পাঠৰ কিছুমান  গুৰুত্বপূৰ্ণ  MCQ । প্ৰশ্ন উত্তৰ   সৈতে  দিয়া হৈছে ।

 

51) য’ত লৰা- ছোৱালী পঢ়ে — পঢ়াশালি , বিদ্যালয় ।

52) যি ঠাই অতি ঠাণ্ডাও নহয় , গৰমো নহয়— নাতিশীতোষ্ণ ।

53) যি ঠাই অতি কষ্টেৰে লঙ্ঘন কৰা যায় — দুর্লংঘ্য ।

54) যাক লংঘন কৰিব নোৱাৰি — অলংঘ্য ,

অলংঘ্যনীয় ।

55) বৰষুণ নোহোৱা যি বতৰ — খৰাং ।

56) যাৰ একোৱেই নাই— অকিঞ্চন , নিঃস্ব ।

57) বনত থকা বস্তু বা জন্তু - বনৰীয়া ।

58) যাৰ নাম ৰাতিপুৱাই স্মৰণ কৰা উচিত — প্রাতঃ স্মৰণীয় ৷

59) যি সহজতে জীণ নাযায় – গুৰুপাকী , দুষ্পাচ্য।

60) আহাৰ জীৰ্ণ নোযোৱা কাৰণে হোৱা বেমাৰ — অজীর্ণ ।

61) যি তিৰোতাই ধান ৰোৱে– ৰোৱনী ।

62) যি তিৰোতাই ধান দায় – দাৱনী ।

63) যাক সহজে বুজা যায়— সহজবোধ্য ।

64) যাক বুজিব পাৰি— বোধগম্য ।

65) যি যন্ত্ৰেৰে হাতেৰে সূতা কাটে— যঁতৰ ।

66) হঠাতে হোৱা যি ঘটনা— আকস্মিক ।

67) ৰং আছে য’ত— ৰঙালী ।

68) জুই ধৰি ৰখা যি ঠাই — জুহাল ।

69) সোণৰ দৰে বৰণ যাৰ — সোণালী , সোণোৱালী ।

70) ৰূপৰ দৰে বৰণ যাৰ- ৰূপোৱালী ,

ৰূপালী ।

71) ভোগ আছে য’ত — ভোগালী ।

72) ৰন্ধা - বঢ়া কৰা যি ঠাই— ৰান্ধনি - শাল ।

73) যি একে গোত্ৰৰ — সগোত্ৰ ৷

74) গধূলি চকুৰে যি নেদেখে —কুকুৰীকণা ।

75) যি সঁচা কথা কয়— সত্যবাদী ।

76) যি ইন্দ্ৰিয় জয় কৰিব পাৰে—

জিতেন্দ্ৰিয় ।

77) মাটিৰে যি নির্মিত — মৃন্ময় ।

78) যি তিৰোতাৰ স্বামী মৰিছে বিধৱা -- বাঁৰী ৷

79) মেলত যি পাৰ্গত— মেলেকী ।

80) যি পুৰুষৰ ঘৈণীয়েক মৰিছে— বৰলা , বিপত্নীক ।

81) যি নিজক নিজে পণ্ডিত বুলি ভাবে— পণ্ডিতম্মন্য ।

82) যি কৰ্ত্তব্য স্থিৰ কৰিব নোৱাৰে— কিংকর্তব্যবিমূঢ় , হতবুদ্ধি ।

83) যি অনুষ্ঠান শৰৎ কালতে হয় —

শাৰদীয় ।

84) মিছা কথা যি কয় – মিছলীয়া ।

85) যি মাতৃৰ মাত্ৰ এটাহে সন্তান —

কাকবন্ধ্যা ।

86) একে মাকৰ যি সন্তান— সহোদৰ ,

সোদৰ ।

87) একে সময়তে হোৱা— সমসাময়িক ।

88) এবাৰ গুটি লাগি মৰা গছ — ওষধি ।

89) স্বামী থকা তিৰোতা- আয়তী , সধৱা ।

90) লোকক দেখি পাছত যি কৰা যায় – অনুকৰণ।

91) লোকক দেখি পিছে পিছে যোৱা— অনুসৰণ ।

92) লোকৰপৰা পোৱা নিন্দা – লোকনিন্দা । 

93) সাহ যাৰ আছে— সাহসী , সাহিয়াল ।

94) বঁটা সাৰিয়হেৰে কৰা চাটনি— কাহুদী ।

95) বিহুৰ আগ দিনা— উৰুকা ।

96) খাৰণি সমা সৰিয়হৰ গুৰি— খাঁৰলি , বেহুৱা ।

97) মাটিৰ নিচেই সৰু টেকেলি— ভুৰুকা ।

98) আনৰ দোষ দেখা স্বভাৱ — অসূয়া ।

99) ঠেং নোহোৱা ভেকুলী পোৱালি —

লালুকী ।

100) যি গুণীৰ গুণ বুজিব পাৰে —গুণগ্রাহী ।

 

বিপৰীত শব্দ:-        ১০০০(এক হাজাৰ)তকৈও অধিক অসমীয়া বিপৰীত শব্দ  শিকক এতিয়াই ক্লিক কৰক।

 

101) যি বিদেশৰ পৰা আহে— বিদেশী ।

102) যাক ভেদ কৰিব নোৱাৰি— অভেদ্য ।

103) পি খোৱা যি বস্তু — পেয় ।

104) যাক সহজে ভেদ কৰিব নোৱাৰি— দুর্ভেদ্য ।

105) যি ঈশ্বৰক বিশ্বাস কৰে – আস্তিক ।

106) যি পৰৰ ঠাইত বাস কৰে — প্রবাসী ।

107) যি ঈশ্বৰক বিশ্বাস নকৰে— নাস্তিক ।

108) যি কষ্ট সহিব পাৰে— কষ্টসহিষ্ণু ।

109) যি উপকাৰীৰ উপকাৰ স্বীকাৰ কৰে— কৃতজ্ঞ ।

110) চেলেকি খোৱা বস্তু— লেহা ।

111) যি উপকাৰীৰ উপকাৰ স্বীকাৰ নকৰে – অকৃতজ্ঞ , কৃতঘ্ন ।

112) যি পৰিণাম চিন্তা কৰি কাম কৰে— পৰিণামদর্শী ৷

113) যাক সহজতে ভাঙিব পাৰে --ভংগুৰ ।

114) যি কোনো কাম কৰিব নোৱাৰে– অকর্মণ্য , অসাঁঠন ।

115) যি কথা কোৱা উচিত নহয়– অকথনীয় , অকথ্য ।

116) যি বিধিসন্মত — বৈধ ।

117) যি বিধি সন্মত নহয় বা বিধিৰ বিৰোধী — অবৈধ ।

118) দৰ্মহা নোলোৱাকৈ কৰা কাম— অবৈতনিক ।

119) প্ৰাণক পণ কৰি — প্ৰাণপণে ।

120) চোবাই খোৱা যি বস্তু— চর্ব্য ।

121) যি ক্ষয় হ’বলৈ ধৰিছে— ক্ষয়িষ্ণু ।

122) যি ভৱিষ্যত চিন্তা কৰিব পাৰে—

দূৰদৰ্শী ।

123) যি ভবিষ্যত চিন্তা কৰিব নোৱাৰে— অদূৰদৰ্শী।

124) যি বাঢ়িবলৈ ধৰিছে— বৰ্দ্ধিষ্ণু ।

125) যাৰ সকলো বস্তু অঁটাকৈ আছে— আটন্তিয়াৰ।

126) যাৰ ঋণ আছে— ঋণী ।

127) এটা সন্তান হোৱাৰপৰা আন এটা হোৱালৈকে সময় — আনজ ।

128) যাৰ হাত আঁঠুৰ তললৈকে পৰা— আজানুলম্বিত ।

129) যাৰ মৰণ নাই — অমৰ ।

130) কোনো কাৰ্য কৰিবলৈ স্থিৰ কৰা— কৃতসংকল্প।

131) যি নিজে নিজে হয়— স্বয়ম্ভূ ।

132) কাৰো নাম নধৰাকৈ পৰা গালি— গুৱাল - গালি ।

133) যাৰ ধাৰ আছে— ধৰুৱা ।

134) যি দুই হাত সমানে চলাব পাৰে— সব্যসাচী ।

135) যাৰ সীমা নাই— অসীম ।

136) যি আনফালে মন দিয়ে — অন্যমনস্ক ।

137) যাক বধ কৰা উচিত — বধ্য ।

138) যাক নিবাৰণ কৰিব নোৱাৰি—

অনিবার্য ।

139) যাৰ ধৰ্মলৈ ভয় আছে— ধর্মভীৰু ।

140) যাক বৰ্ণনা কৰিব নোৱাৰি— অবর্ণনীয় ।

141) যাৰ আদি নাই— অনাদি ।

142) যাক পৰিত্যাগ কৰিব নোৱাৰি — অপৰিহাৰ্য বা অপৰিত্যাজ্য ৷

143) যাক কল্পনা কৰিব নোৱাৰি— কল্পনাতীত , অকল্পনীয় ।

144) যাৰ বিৱেচনা শক্তি নাই– অবিবেচক ।

145) যি নিশাহে চৰে – নিশাচৰ ৷

146) যি জানিব খোজে বা জানিবলৈ আগ্রহী— জিজ্ঞাসু ।

147) যিটো সুধিবলগীয়া— জিজ্ঞাস্য ।

148) যাক মূল্য দি কিনিব নোৱাৰি —

অমূল্য ।

149) মাগিলেও ভিক্ষা নোপোৱা সময় — দুর্ভিক্ষ ।

150) যি কাৰো পক্ষৰ বা ফলীয়া নহয় – নিৰপেক্ষ ।

151) বধ কৰিবৰ ইচ্ছা — জিঘাংসা ।

 

সামৰ্থকশব্দ (প্ৰতিশব্দ) ভাণ্ডাৰ   click here now

 

152) কোনো কথাৰ নিশ্চয় কৰিবলৈ পঠোৱা বিশ্বাসী মানুহ — সঁজাতী ।

153) একেজন গুৰুৰে শিষ্য — সতীৰ্থ , হৰ্ভিকত ।

154) যাৰ আগমন আহ্বান কৰা হয় —

স্বাগত ।

155) যাক বধ কৰা অনুচিত — অবধ্য ।

156) যাৰ সীমা আছে যি সীমাবদ্ধ— সসীম ।

157) যাৰ অন্ত নাই— অনন্ত ।

158) যি নিয়ম মতে খৰচ কৰে — মিতব্যয়ী ।

159) যাৰ আশ্ৰয় নাই — নিৰাশ্ৰয় ।

160) যি সহ্য কৰিব পাৰে — সহিষ্ণু ।

161) যি গোচৰ তৰে — গুচৰীয়া ।

162) যাৰ ওপৰত গোচৰ তৰে — পদকীয়া ।

163) যি বিষ্ণুক উপাসনা কৰে — বৈষ্ণৱ ।

164) যি শক্তিক উপাসনা কৰে — শাক্ত ।

165) যি শিৱক উপাসনা কৰে— শৈৱ ।

166) যি একো নাজানে — অজ্ঞ ।

167) যি ভাষাত পাৰ্গত — ভাষাবিদ্ ।

168) যি কণীৰপৰা জন্মে — অণ্ডজ ।

169) যি একেলগে পঢ়ে —সহপাঠী । 

   

170) যি নিজৰ পেটলৈহে চিন্তা কৰে— আপোনপেটীয়া , স্বাৰ্থপৰ ।

171) যি সমাপ্ত হোৱা নাই – অসমাপ্ত ।

172) য’ত কোনো মানুহ নাই – জনশূন্য ।

173) য’লৈ যোৱা কষ্টসাধ্য — দুর্গম ।

174) যি অনাই বনাই ঘূৰি ফুৰে— যাযাবৰ ।

175) যাৰ পূৰ্বজন্মৰ কথা মনত আছে—জাতিস্মৰ।

176) যি মাটি ফুটি ওলায় — উদ্ভিদ ।

177) যি কথা বিশ্বাস কৰিব নোৱাৰি —অবিশ্বাস্য|

178) যি মৰো মৰো অৱস্থা হৈছে —মুমূৰ্ষু ।

179) যাৰ কথাৰ সাঁচ নাই —লপা ।

180) য’ত মানুহ বেছি —জন-বহুল ।

181) যাৰ মূৰত চুলি নাই —তপা ।

182) যি ভিক্ষা কৰি জীৱন নিৰ্বাহ কৰে—ভিক্ষাৰী ।

183) যি ধন খৰচ নকৰে --  কৃপণ ।

184) যি মাছ – মাংস খায় —আমিষাহাৰী ।

185) যি মাছ – মাংস নাখায় —

নিৰামিষাহাৰী ।

186) যি যোগৰপৰা ভ্ৰষ্ট হৈছে —যোগভষ্ট ।

187) যি অলপতে ভয় খাই —ভয়াতুৰ ।

188) যি ঘৰত ধান থয় বা ধান থোৱা ঘৰ —ভঁৰাল ।

189) যি অলপতে শুনে —শহাকণীয় ।

190) যি নানা অভাৱত থাকে —অভাৱগ্ৰস্ত, অভাৱী।

191) জন্তুৰ নিচিনা —জান্তৱ ।

192) যাৰ নাম নাই —অনামী, অনামা ।

193) যি নিয়মমতে খৰছ নকৰে —অমিতব্যয়ী।

194) নাম নিদিয়াকৈ দিয়া (চিঠি আদি) —বেনামী ।

195) পনীয়া গাখীৰ দিয়া গাই —জলাহী ।

196) বাঁহ-গাজ খুন্দি তৈয়াৰ কৰা খাদ্য-বস্তু — খৰিচা ।

197) মিহি নোহোৱা গুৰি বা বস্তু লগত থকা আধাখুন্দা গুৰি — খৰচি ।

198) যি কথা কব নোৱাৰে – বোবা।

199) যি বিদেশত থাকে – প্ৰবাসী

200) যি অনাই বনাই ঘূৰি ফুৰে –যাযাবৰ

                VIDYA UNNATI ACADEMY